Рой Жонс “Крид”га жавоб қайтарди

Майкл Адонис Крид образини “Крид” ва “Крид 2” фильмларида талқин қилгач, кино бозорида машҳурликка эришганди. Ўз ўрнида Жонс ҳам бу жангга розилик берди. 

“Ҳа, Майкл мени рингга чорлаганини эшитдим. Мен уни тушунаман. У нима иш қилиб қўйганини ҳали ҳам билмаяпти. Эсдан чиқарманг, мен ҳеч қачон таклифларга рад жавобини бермаганман. Майкл, сенда менинг телефон рақамим борми? Агар йўқ бўлса, у ҳолда “TMZ Sports”даги йигитлар билан боғлан! Ҳозир 49 ёшдаман, у эса 30га тўлди. Майкл жисмоний жиҳатдан яхшироқ бўлиши мумкин. Лекин менга тайёргарлик кўриш учун 4-5 ҳафта етади”, - деди Рой TMZ Sports нашрига берган интервьюсида.

Эслатиб ўтамиз, тўртта вазн тоифасида собиқ жаҳон чемпиони Рой Жонс ўзининг сўнгги жангида америкалик Скотт Сигмонни 10 раундлик жанг якунида очколар ҳисобида мағлуб этиб, WBU чемпионлик камарини қўлга киритганди. Шундан сўнг Рой профессионал боксдаги фаолиятини расман якунлаган эди.