Рой Жонс ўзбек боксчиларининг жаҳон чемпионатидаги имкониятлари ҳақида гапирди

Мазкур чемпионат доирасида бокс бўйича собиқ жаҳон чемпиони Рой Жонс ҳам Екатеринбургга ташриф буюрган.

Жонс ушбу ташриф доирасида ОАВ ходимлари билан ҳам учрашди. www.olamsport.com сайти мухбири анжуман давомида боксчига мурожаат қилди.

-Мен Ўзбекистонданман. Саволим шундан иборатки, жаҳон чемпионати олтин медаллари учун асосий фаворит сифатида қайси мамлакат боксчиларини эътироф этасиз?

-Буни аниқ айта олмайман, лекин ўзбек боксчилари доимгидек жуда кучли. Қозоғистон ҳам улар каби кучли. Шунингдек Куба ва Россия бор. Айнан шу тўрт мамлакат боксчилари медаллар учун асосий даъвогар", - деди Рой Жонс.

Рой Жонс шунингдек, кун давомида Урал Федерал Университети талабалари билан ҳам учрашди. Боксчи иштирокида фотосессия ва автограф-сессия ташкил этилди. 

Азиз Тўхтамуродов, Екатеринбург