26 фев 09:05
Янгиликлар

Теннис

Рублёв финалда, Гуркачга 27 та эйс зарбаси ҳам ёрдам бермади

Дунёнинг еттинчи ракеткаси Андрей Рублёв Дубайда якунига етиб бораётган нуфузли ATP турнирининг финалчисига айланди.

Россиялик теннисчи 2 соату 25 дақиқа давом этган ярим финал учрашувида рейтингнинг 11-поғонасини банд этиб турган польшалик Хуберт Гуркачни қийинчилик билан мағлубиятга учратди - 3/6, 7/5, 7/6(5).

Рублёв баҳс давомида 9 та, Хуберт эса 27 та эйс зарбасини амалга оширган. Теннисчиларнинг ўзаро учрашувларида 24 ёшли Рублёв ҳисобни қисқатирди - 1:2. Энди у Dubai Duty Free Tennis Championships бош соврини учун турнири шов-шувчиси чехиялик Иржи Веселига қарши кортга чиқади.