22 авг 17:29
Янгиликлар

Теннис

Рус дербисида Рублёв илк бор Медведевни мағлуб этди

АҚШнинг Цинцинатти шаҳри мезбонлигида ўтаётган теннис бўйича "Мастерс" турнири бугун якунига етади.

Western & Southern Open турнирининг ярим финалида россиялик икки теннисчи - Андрей Рублёв ва Даниил Медведев ўзаро тўқнаш келишди. ATP рейтингида 7-поғонадан жой олган 23 ёшли Рублёв дунёнинг иккинчи ракеткаси бўлган 25 ёшли Медведевни 2/6, 6/3, 6/3 ҳисобларида мағлуб этди.

Андрей ўзаро учрашувларда илк бор номдор рақибини мағлубиятга учрата олди. Бунгача ўтказилган барча бешта учрашувда Медведевнинг қўли баланд келганди.