17 июл 07:43
Янгиликлар

Бокс/ММА

Руслан Чагаев Нганну - Фьюри жангига муносабат билдирди

Супероғир вазн тоифасида собиқ жаҳон чемпионимиз Руслан Чагаев Тайсон Фьюри ҳамда Фрэнсис Нганну ўртасида кутилаётган жанг ҳақида гапирди.

"Агар жанг профессионал бокс қоидалари асосида ўтказилса, Фрэнсисда ҳеч қандай имкон бўлмайди. Агар аралаш яккакураш жанги бўлса, у ҳолда албатта Нганну ютади. Бироқ, улар оғир вазн тоифаси вакиллари ва бу ерда ҳамма нарса бўлиши мумкин".

Эслатиб ўтамиз, Тайсон Фьюри ва Фрэнсис Нганну жанги 28 октябрь куни Саудия Арабистонида бўлиб ўтади.

Маълумот учун, Чагаев ҳаваскорлар ўртасида икки карра жаҳон чемпиони ҳисобланади. Профессионал фаолияти давомида Руслан 2007-2009 йиллар оралиғида WBA йўналишида жаҳон чемпионлигини ҳеч кимга бермаган. Бундан ташқари, у 2014-2016 йилларда WBA Regular камари соҳиби бўлган.