Рюдигер класикодаги ҳакам билан боғлиқ воқеа учун оммадан узр сўради

"Кечаги хатти-ҳаракатимни оқлаб бўлмайди. Бундан чин дилдан афсусдаман. Ажойиб ўйин кўрсатдик, айниқса иккинчи бўлимда. 111-дақиқадан сўнг жамоага ёрдам бера олмадим, ўйин якунланиши арафасида эса хатога йўл қўйдим. Яна бир бор ҳакамдан ва панд берган инсонларимдан узр сўрайман", - деб ёзди германиялик футболчи ўзининг ижтимоий тармоқлардаги саҳифасида.

Ўйиннинг иккинчи қўшимча бўлимига қўшиб берилган вақтда Рюдигер техник зонада туриб, ҳакамга муз улоқтирган ва четлатилганидан кейин ҳам ўзини тажовузкор тутиб, ҳакамга тажовуз қилишга уринди. Уни "Реал" техник ходимларидан бир неча киши қийинчилик билан ушлаб турди.