14 авг 17:17
Янгиликлар

Дзюдо

"Saber" жамоамизнинг "Аёллар дзюдо лигаси"даги рақиблари маълум

17 август куни Россия Федерациясининг Санкт-Петербург шаҳрида дзюдо бўйича клублар ўртасидаги "Аёллар дзюдо лигаси" мусобақаси бўлиб ўтиши ҳақида хабар берган эдик.

Яхшигина мукофот жамғармасига эга ушбу турнитда 12 та жамоа 4 та гуруҳга бўлинган ҳолда баҳсларга киришади. Дунёнинг кўзга кўринган клублари қатнашадиган мусобақада илк бор дзюдочи қизларимиздан таркиб топган "Saber" жамоаси юртимиз шарафини ҳимоя қилади.

Куни кеча "Аёллар дзюдо лигаси"га қуръа ташлаш маросими бўлиб ўтди. Унга кўра, "Saber" жамоаси мусобақанинг "B" гуруҳидан жой олди. Дзюдочи қизларимиз Санкт-Петербург шаҳрининг "Турбостроитель" ҳамда Самара шаҳрининг "Спорткоманда 63" жамоаларига қарши татамига чиқишади.