12 сен 14:36
Янгиликлар

Теннис

Сабина Гуяйн турнирининг жуфтлигида чорак финалга чиқди

Хитойнинг Гуяйн шаҳрида теннис бўйича соврин жамғармаси 25 000 АҚШ долларидан иборат турнирнинг асосий тўр баҳслари давом этмоқда.

“Фьючерс” туркумига кирувчи ушбу мусобақада ҳамюртимиз Сабина Шарипова ҳам ўз имкониятини синовдан ўтказяпти. Мамлакатимизнинг биринчи рақамли теннисчиси турнирда иккинчи рақам остида ҳаракат қилмоқда.

Шарипова биринчи даврада япониялик Мияби Иноуэни мағлуб этганди. Бир неча дақиқа аввал Сабина жуфтлик мусобақасида ҳам кортга чиқди. Беларуслик Лидя Морозова билан бирга биринчи рақамли жуфтликни ҳосил қилган вакиламиз япониялик теннисчилар - Шихо Акита ва Наги Ханатани ҳамкорлигини 6:1, 6:0 ҳисобида таслим этди.

Учрашув бор йўғи 40 дақиқа давом этди. Сабина ва Лидянинг ярим финал йўлидаги рақибалари, хитойлик теннисчилар Шенг Юки ҳамда Женг Вушуанг бўлади.