07 июл 07:55
Янгиликлар
Теннис
Сабина жуфтликлар баҳсида ярим финалга чиқди
Германиянинг Дармшдат шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Соврин жамғармаси 25 000 долларни ташкил қилувчи мусобақада Сабина Шарипова ҳам иштирок этяпти. Мамлакатимизнинг биринчи ракеткаси яккалик баҳсларини биринчи даврадаёқ якунлаган эди.
Шунга қарамай, Шарипова турнирнинг жуфтликлар мусобақасида муваффақиятли одимлаяпти. Россиялик Яна Сизикова билан биринчи рақамли жуфтликни ҳосил қилган Шарипова ярим финалга йўлланма олди.
Сабина ва Яна чорак финал баҳсида германиялик теннисчилар Жулия Киммелманн ҳамда Наталия Проесени 6:2, 6:3 ҳисобида мағлуб этишди. Бугун улар финал чиптаси учун мисрлик Самир Сандра ва лихтенштейнлик Катинка Ван Дичман жуфтлигига қарши кортга чиқишади.
Ҳавола :
Манба : olamsport.com
Фикрлар