10 янв 20:21
Янгиликлар

Теннис

Сабина Шарипова мавсумни ғалаба билан бошлади

Тунис давлатининг Монастир шаҳрида теннис бўйича аёллар ўртасида ITF турнири старт олди.

"А2 Monastir W25" турнирида ҳамюртимиз Сабина Шарипова ҳам қатнашяпти. Мамлакатимизнинг иккинчи ракеткаси ўз иштирокини саралаш баҳсларидан бошлади.

Саралашнинг бешинчи ракеткаси сифатида қайд этилган Сабина иккинчи давра учрашувида ҳали рейтингда ўз ўрнига эга бўлмаган мезбонлар вакиласи Ферьел Бен Хассенни ортиқча қийинчиликсиз мағлуб этди - 6/1, 6/2.

WTA рейтингида 487-поғонада бораётган Шарипованинг саралаш финал босқичидаги рақибаси АҚШ ва Япония теннисчилари учрашувидан сўнг маълум бўлади.