13 янв 11:57
Янгиликлар

Теннис

Сабина Шарипова Монастирда иккинчи учрашувини ўтказди

Тунис давлатининг Монастир шаҳрида теннис бўйича аёллар ўртасида ITF турнири давом этмоқда.

"А2 Monastir W25" турнирида ҳамюртимиз Сабина Шарипованинг ҳам қатнашаётгани ҳақида хабар берган эдик. Мамлакатимизнинг иккинчи ракеткаси ўз иштирокини саралаш баҳсларидан бошлаганди.

Саралашнинг бешинчи ракеткаси сифатида қайд этилган Сабина иккинчи давра учрашувида ҳали рейтингда ўз ўрнига эга бўлмаган мезбонлар вакиласи Ферьел Бен Хассенни ортиқча қийинчиликсиз мағлуб этганди - 6/1, 6/2.

Афсуски, WTA рейтингида 487-поғонада бораётган Шарипова саралашнинг финал босқич учрашувида япониялик Харуана Аракавага 1/6, 6/4, тай-брекда 8/10 ҳисобида имкониятни бой бериб, мусобақадаги иштирокини жуда эрта якунлади. Харукава WTA рейтингида 509-ўринни эгаллаб турибди.