06 дек 16:28
Янгиликлар
Теннис
Саидаъло Покистонда биринчи ракеткага қарши кортга чиқди
Покистоннинг Исломобод шаҳрида ўтказилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.
Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиздан фақат бир нафари бош соврин учун курашни давом эттираётганди. Бугун ана шу теннисчимиз ҳам мағлубият аламини тотиб кўрди.
Саидаъло Саидкаримов чорак финал учрашувида турнирнинг биринчи рақамли теннисчиси кореялик Чеонг Кимга қарши кортга чиқди ва 4:6, 1:6 ҳисобида имкониятни бой бериб, мусобақадаги иштирокини якунлади.
Эслатиб ўтамиз, Саидкаримов турнирнинг илк даврасида россиялик Владимир Поляковни 6:3, 6:2, иккинчи босқич баҳсида эса турнирнинг олтинчи ракеткаси италиялик Лоренцо Боччини икки сетда ҳам бир хил 6:4 ҳисобида таслим этган эди.
Ҳавола :
Манба : olamsport.com
Фикрлар