30 мар 08:39
Янгиликлар

Бокс/ММА

Саидёқуб билан бир оқшомда яна бир ўзбекистонлик жанг қилади

Фирдавс Ҳасанов Саидёқуб Қаҳрамонов билан бир оқшомда октагонга чиқади.

8 апрель тонгида АҚШнинг Жанубий Каролина штатида аралаш жанг санъатлари бўйича XMMA 6 турнири бўлиб ўтади.

Аҳамиятлиси, турнир доирасида яна бир ўзбекистонлик жанг қилади. Фирдавс Ҳасанов (8-4) мезбон юрт вакили Жош Смитга (11-8) қарши октагонга чиқади. Ҳамюртимиз сўнгги тўртта жангининг барчасида мағлуб бўлди, унинг рақиби ҳам сўнгги жангида ғалабани бой берган.

Турнирнинг марказий жангида икки нафар UFC собиқ жангчилари — ўзбекистонлик Саидёқуб Қаҳрамонов (10-3) ва АҚШ вакили Франсиско Ривейра (15-10) тўқнаш келади.

Ҳамюртларимиз иштирокидаги мусобақа YouTube платформасидаги XMMA TV канали орқали трансляция қилинади.