Саидёқуб Қаҳрамонов Конор Макгрегор ва Артём Лобов ўртасидаги можарога муносабат билдирди

Энг енгил вазнда ўзбекистонлик UFC жангчиси, 27 ёшли Саидёқуб Қаҳрамонов (9-1) икки вазнда собиқ чемпион, ирландиялик Конор Макгрегор (26-5) ҳамда Артём Лобов (16-16-1-1) ўртасидаги можарога Твитттердаги саҳифаси орқали муносабат билдирди.

"Нима деб ўйлайсиз, Артём соат 10:30 гача Конор билан жангга тайёр бўлармикан?", - деб ёзган ҳамюртимиз.

Артём Лобов яқиндагина Конор Макгрегорни судга берган эди. Макгрегор эса бунга жавобан Лобовни "каламуш" деб атаб, жангга чорлади.

Саидёқуб Қаҳрамонов 18 декабрь куни Лас-Вегасда россиялик Саид Нурмагомедовга қарши жанг қилади. Бу ҳамюртимиз учун UFC'даги учинчи жанг бўлади. Сўнгги жангида Қаҳрамонов АҚШ вакили Ронни Лоуренсни мағлуб этган эди.

What you guys think did Artem showed up at 10:30 to fight Conor?

— Saidyokub Kakhramonov (@SaidYokubMMA) November 30, 2022