Саидёқуб Қаҳрамонов UFC'дан кетгани бўйича баёнот берди

Энг енгил вазнда ўзбекистонлик аралаш яккакураш устаси Саидёқуб Қаҳрамонов (10-3) Twitter'даги расмий саҳифаси орқали ташкилотдан аламзада эканини билдирди.

"Дебют жангимдан аввал 20 соатдан кўпроқ вақт давомида учишим керак эди, октагонга киришимдан 5 кун аввал ҳам мен машғулот қилмаган эдим. Ўзбекистон ва Лас-Вегас ўртасида 12 соат вақт тафовути бор, ва мен шу ҳолатда ҳам дебют жангимда ғалаба қозондим. Шундай экан, мен энг зўриман!

Ҳа, мен вазн қила олмадим, аммо мен "кальян" чекиб, тунги клубларда юриб, турли хил шунга ўхшаш ишлар билан ҳар куни шуғулландим. Агар қандай жанг қилишни билсанг, жанг қилишни биласан", - деб ёзган Саидёқуб.

Эслатиб ўтамиз, Саидёқуб UFCда 3 та жанг ўтказган ва уларнинг 2 тасида ғалаба қозонган. 1 та жангда эса имкониятни бой берганди.