Саидёқуб Қаҳрамоновнинг UFC`даги навбатдаги жанг санаси ва рақиби маълум

Унга кўра, юртдошимиз 9 июль куни Ронни "The Heat" Лоуренсга қарши октагонга кўтарилади. Америкалик 29 ёшли Ронни 10 та жанг ўтказган бўлиб, 9 ғалаба ва 1 мағлубиятга эга. Бешта жангда рақибларини муддатидан аввал мағлубиятга учратган. 

Ронни Лоуренс UFC`даги охирги жангини 12 февраль куни UFC 271 турнири доирасида Мана Мартинесга қарши ўтказиб, очколар ҳисобига кўра ғалаба қозонганди. Ёдингизда бўлса, UFC 271 турнирининг марказий жангида Исраэль Адесанья иккинчи бор Уиттакерни мағлуб этиб, ўз чемпионлик камарини ҳимоя қилганди. Ронни 5 та ғалабали серия қайд этиб келмоқда. 

Эслатиб ўтамиз, аслида Саидёқуб Қаҳрамонов шу йилнинг 15 январь  куни Брайан Келлехерга қарши октагонга чиқиши лозим эди. Аммо, ҳамюртимизда коронавирус аниқлангани боис, унинг иштирокидаги жанг бекор қилинганди.