Saint Louis Rapid & Blitz 2026. Чемпион Синдаров - Прагг партиясида аниқланди

Ушбу нуфузли турнирда ҳамюртимиз Жавоҳир Синдаров ҳам муваффақиятли дона сурди. Мусобақанинг сўнгги куни блиц, яъни тезкор шахмат баҳслари давом эттирилди. Шахматчилар яна 9 та тур учрашувида ўзаро ҳисоб-китоб қилишди. 

Чемпионлик масаласи мусобақа охиригача пешқадамликни ўзида сақлаб келган ҳиндистонлик Рамешбабу Праггнанандҳа ҳамда иккинчи ўриндан тушмаган Жавоҳир Синдаров ўртасидаги партияда аниқланди. Ушбу баҳсда дуранг натижа қайд этилди ва якунда Рамешбабу умумий 23,5 очко билан чемпионликни қўлга киритди. Ҳамюртимиз эса 22 очко билан соф иккинчи ўринни эгаллади. АҚШ вакили Уэсли Со 20,5 очко билан кучли учликка якун ясаб берди. 

Праггнанандҳа чемпионлик кубоги билан бирга 50 000 АҚШ доллари миқдоридаги мукофот пулига ҳам эга чиқди. Жавоҳир Синдаров 40 000 долларлик чекни қўлга киритди. Уэли Со 30 000, энг охирги ўринни эгаллаган америкалик Эвондер Лианг 7 000 долларни ўз ҳисобига ёзиб қўйди. 

Иштирокчиларнинг тўлиқ таркиби: Жавоҳир Синдаров (Ўзбекистон), Фабиано Каруано, Левон Аронян, Уэсли Со, Леньер Домингес, Авондер Лианг (барчаси АҚШ), Винсент Кеймер (Германия), Аниш Гири, Йорден ван Форест (иккиси ҳам Нидерландия), Рамешбабу Праггнанандҳа (Ҳиндистон).