18 май 15:24
Янгиликлар

Теннис

Самарқанд "Челленжер". Истомин жуфтликда ярим финалга чиқди

Самарқанд шаҳрида теннис бўйича "Челленжер" мусобақаси давом этмоқда.

Мусобақанинг жуфтлик баҳсларида россиялик Михаил Елгин билан бирга қатнашаётган теннисчимиз Денис Истомин бугун чорак финалда ўйин ўтказди. Ушбу босқичда теннисчиларга мусобақанинг учинчи сараланган жуфтликлари - Минени/Прашант тандеми тўқнаш келди.

1 соат 37 дақиқа давом этган ўйинда Истомин ва унинг шериги 7:5, 3:6, 10:8 ҳисобларида ғалаба қозониб, ярим финал йўлланмасини қўлга киритдилар.

Энди улар финал чиптаси учун Качич/Маргароли жуфтлигига қарши кортга чиқадилар.