Самбо. "Ички ишлар вазири кубоги" мусобақасининг тантанали маросими бўлиб ўтди

Бугун "Жар" спорт мажмуасида мусобақага бағишланган тантанали маросим бўлиб ўтди. Ушбу тадбирда Ўзбекистон Республикаси Ички ишлар вазири ўринбосари, генерал-майор Азиз Икрамов, Ўзбекистон Туризм ва спорт вазири ўринбосари Аваз Каримов, Осиё самбо уюшмаси президенти Аламжон Муллаев, Ўзбекистон спорт фахрийлари кенгаши раиси Баҳодир Махситов ва бошқалар иштирок этишди. 

Тадбир давомида сўзга чиққан Азиз Икромов, Баҳодир Махситов ва Аваз Каримов мусобақа иштирокчиларига омад тилашди ва беллашувлар юқори савияда ташкил этилганлигини эътироф этишди. 

Ўзбекистон Республикаси мадҳиясидан сўнг Ички ишлар вазирлигининг ашула ва рақс ансамбли хонандалари чиқишлари, спортчиларнинг кўргазмали намойишлари бўлиб ўтди. Шундан сўнг финал беллашувларига старт берилди. 

Ўзбекистон самбо ассоциацияси матбуот хизмати