Сандро Тонали 10 ойга дисквалификация қилиниши мумкин

"Sky Sport Italia" маълумотига кўра, "Ньюкасл" ҳуқуқшунослари Италия футболи раҳбарлари билан футболчининг дисквалификациясини қисқартириш борасида келишувга эришган.

ФИФА қоидаларига кўра, футболчи аслида 3 йилга футболдан четлатилиши керак эди. Бироқ томонлар 10 ойлик чеклов борасида келишиб олишди. Чунки футболчи терговлар давомида "Милан"да ўйнаб юрганида ставкаларда қатнашганини тан олган ва тафтиш ишларига доимий ёрдам берган.

Яқин 2 кун ичида Италия ФФ томонидан футболчининг 10 ойга футболдан четлатилгани борасида маълумот эълон қилинади. Шу орқали у Италия Евро-2024га йўл олган тақдирда, ушбу турнирда иштирок эта олмайди.