28 сен 12:01
Янгиликлар

Теннис

Санжар Файзиев Чимкент турнири финалида ўйнайди

Хабар берганимиздек, шу кунларда Қозоғистоннинг Чимкент шаҳрида теннис бўйича “Фьючерс” туркумига кирувчи турнир ўтказилмоқда.

Соврин жамғармаси 15 000 АҚШ долларини ташкил этувчи мусобақада ҳамюртимиз Санжар Файзиев ҳам муваффақиятли иштирок этяпти. Shymkent Open турнирининг биринчи ракеткаси бўлган Файзиев ҳозиргина якунига етган учрашувда финал чиптасини қўлга киритди.

Санжарнинг ярим финалдаги рақиби турнирнинг учинчи ракеткаси россиялик Андрей Чепелев бўлди. Роппа-роса бир ярим соат давом этган ярим финал баҳсида у 6:1, 6:3 ҳисобидаги енгил ғалабага эришди. Санжар бешта эйс зарбани амалга оширган.