27 сен 11:40
Янгиликлар

Теннис

Санжар Файзиев Чимкентда ярим финалга чиқди

Қозоғистоннинг Чимкент шаҳрида ўтказилаётган теннис бўйича “Фьючерс” туркумига кирувчи турнир ўзининг ўзининг ҳал қилувчи палласига кирди.

Соврин жамғармаси 15 000 АҚШ долларини ташкил этувчи мусобақада ҳамюртимиз Санжар Файзиев ҳам муваффақиятли иштирок этяпти. Shymkent Open турнирининг биринчи ракеткаси бўлган Файзиев ҳозиргина якунига етган чорак финал учрашувида иродали ғалабага эришди.

Санжар 2 соату 22 дақиқа давом этган баҳсда турнирнинг олтинчи ракеткаси бўлган россиялик Шалва Жанашияни 3:6, 6:4, 6:4 ҳисобида мағлуб этди. Файзиевнинг ярим финалдаги рақиби бироздан сўнг маълум бўлади. Катта эҳтимол билан бу теннисчи россиялик Андрей Чепелев бўлади.