07 окт 11:45
Янгиликлар
Теннис
Санжар Файзиев Shymkent Open турнирининг финалига йўл олди
Қозоғистоннинг Чимкент шаҳрида давом этаётган теннис бўйича соврин жамғармаси 10 минг АҚШ долларидан иборат Shymkent Open турнири ўзининг ҳал қилувчи палласига кирди.
Ушбу мусобақанинг тўртинчи ракеткаси хисобланган ҳамюртимиз Санжар Файзиев финал чиптасини қўлга киритди. У ҳозиргина якунига етган ярим финал учрашувида зафар қучди.
Файзиев турнирнинг иккинчи ракеткаси, россиялик Александр Игошиндан устун келди. Икки соату 24 дақиқа давом этган беллашувда теннисчимиз кучли рақибини 1:6, 6:2, 7:6(1) ҳисобида доғда қолдирди.
Санжарнингн ҳал қилувчи финалдаги рақиби яна бир россиялик теннисчи Иван Гахов бўлади. Турнирда учинчи рақам остида таснифланган Гахов бугун ярим финалда ҳамюрти, мусобақанинг биринчи рақамли иштирокчиси Иван Неделкони 7:6(0), 4:6, 6:1 ҳисобида мағлуб этди.
Ҳавола :
Манба : olamsport.com
Фикрлар