Саудия Арабистони, БАА ва Қатар 2035 йилги жаҳон кубоги мезбонлиги учун ариза бериши мумкин

Бу ҳақда Саудия Арабистонининг спорт вазири Абдул Азиз ибн Турки ас-Сауд маълум қилди:

"Биз регбига қизиқамиз, бу спорт турини маҳаллий даражада ривожлантиришдан манфаатдормиз. Нималарга қодир эканимизни кўриш учун федерация туздик.

Менимча, ҳозирча жаҳон чемпионатини ўтказиш даражасига етмадик. Лекин 2035 йилгача ҳали 10 йил бор, эҳтимол, ривожланамиз. Қизиқиш катта. Нима учун ҳаракат қилмаслигимиз керак?

Кўпмиллатли лойиҳа янги намуна ва муваффақиятли тарихга айланиши мумкин. БАА, Қатар, Саудия Арабистони — нега бўлмасин? Стадионлар тайёр. Бу тарихдаги энг муваффақиятли регби мусобақаси бўлади", — деди у.

Маълумот учун, 2027 йилги регби бўйича Жаҳон кубоги Австралияда, 2031 йилги эса АҚШда ўтади.