02 окт 09:11
Янгиликлар

Дзюдо

Саудия Арабистони ва Канада терма жамоалари ҳам Тошкентга етиб келди + ФОТО

Тошкент шаҳри мезбонлигида ўтадиган 35-жаҳон чемпионати иштирокчиларининг юртимизга ташрифи давом этмоқда.

Кеча тунда Саудия Арабистони ва Канада терма жамоалари делегациялари ҳам пойтахтимизга етиб келди. Ислом Каримов номидаги Тошкент халқаро аэропортида саудияликлар делегацияси ёш дзюдочилар ҳамда ташкилий қўмита вакиллари томонидан кутиб олинди.

Дунё биринчилигида Саудия Арабистони шарафини биргина дзюдочи Ҳамад Сулаймон (-73 кг) ҳимоя қилади.

Канада терма жамоаси таркиби

Эркаклар: Артур Маргелидон (-73 кг), Франсуа Гаутьер (-81 кг), Кайл Рейес, Шади Элханас (иккиси ҳам -100 кг), Марк Дешенес (+100 кг).

Аёллар: Келли Дегучи (-52 кг), Криста Дегучи, Жессика Климкайт (иккиси ҳам -57 кг), Катерин Пинар (-63 кг).