Мбаппе шарафига номланган тилла балиқ ЖЧнинг 10 та ўйини ғолибини топди

Торонтодаги офис биноси ёнида жойлашган, футбол майдони шаклидаги аквариумда яшовчи Свимбаппе (Swimbappe) лақабли балиқ Жаҳон чемпионати ўйинларига нисбатан 10 та тўғри тахмин берди.

Франция терма жамоаси сардори Килиан Мбаппе шарафига номланган оранда (тилла балиқ зоти) аквариумнинг марказига жойлаштирилади. Аквариумнинг икки четида эса кичик футбол дарвозалари бор. Дарвозалар устида, аквариум ташқарисида, жамоаларнинг байроқлари ўрнатилган. Балиқ дарвозалардан бирига сузиб бориш орқали "башорат" беради.

10 та аниқ башоратдан ташқари, балиқ 4 марта хато қилган. Яна 10 та ўйин дуранг билан якунланган (19 июнь ҳолатига кўра).

"Дурангларни кўрсатиш унинг балиқ танаси учун бироз қийинроқ. Бу ҳозирда Торонтода ва бутун Канадада содир бўлаётган ушбу катта маданий воқеанинг бир қисмига айланишнинг бизнинг усулимиздир. Унинг телбалигида ўз тизими бор. Бизга фақат унинг методига ишониш ва Свимбаппега ишонч билдириш қолди, холос", – деди лойиҳа яратувчиларидан бири, OneMethod компаниясининг креатив директори Тим Гленн.

Аввалроқ балиқ Гаити ва Бразилия ўртасидаги ўйинда Гаитининг ғалабасини башорат қилган эди, бироқ ўйин 3:0 ҳисобида жанубий америкаликлар фойдасига якунланди.