Сауль Альварес гольф устасими ёки бокс?

Аввалроқ, Оскар Саульнинг гольф туфайли кам шуғуллана бошлагани ва бу Дмитрий Бивол билан жанг натижасига таъсир қилганини айтган эди.

"Ҳақиқат барибир ҳақиқатлигича қолади. Мен барчасини кўрганман, Канелонинг гольфни жуда кўп ўйнашини биламан. Мен ҳазиллашмаяпман. У тез-тез гольф ўйнайди. Мен ҳам жанглардан бўш вақтимда ўйнаб тураман, бу кўп куч талаб этади. Жангчи концентрацияни сақлаб қолиши даркор", - деб айтиб ўтган эди промоутер.

Мексикалик боксчининг бунга жавоби эса қуйидагича бўлди.

"Йўқ-йўқ... мен мағлуб бўлдим, чунки мен ҳақиқатан ҳам ютқазган эдим. Бу гольф ёки бошқа нарса туфайли бўлмади. Мен уч йил аввал ҳам гольф ўйнаб, мутлақ жаҳон чемпиони бўлганман. Шундай экан, бу сабаб бўла олмайди", - дея жавоб берган Альварес.

Эслатиб ўтамиз, Сауль Альварес сўнгги бор 8 май тонгида Дмитрий Биволга қарши жанг қилган эди.

Аввалроқ, Сауль Альвареснинг IBF камарига мажбурий даъвогар маълум бўлгани ҳақида хабар берган эдик.