07 май 10:17
Янгиликлар

Бокс/ММА

Сауль Альвареснинг мухлислари бўлган самолёт ҳалокатга учради

Мексикада шахсий Bombardier Challenger 601 самолётининг ҳалокатга учрагани хабар қилинди.

Кичик ҳаво лайнери бортида 18 йўловчи ва уч экипаж аъзоси бўлган. Ҳуқуқни ҳимоя қилувчи орган ходимларининг хабар беришича, пилот парвоз чоғида самолёт бошқарувини йўқотган. Натижада лайнер Монклова муниципалитети ҳудудидаги тоғли дарага қулаган.

Самолётда бўлганларнинг барчаси воқеа жойида ҳалок бўлган. Лайнер АҚШнинг Лас-Вегас шаҳридан Мексиканинг Монтеррей шаҳрига парвозни амалга ошираётган эди. Йўловчиларнинг бари мексикалик бўлиб, Сауль Альвареснинг чемпионлик жангидан қайтишаётганди.