25 окт 11:41
Янгиликлар

Теннис

Себастьян Баес бош совринни Аргентинада олиб қолди

Аргентинанинг Буэнос-Айрес шаҳрида теннис бўйича "Челленжер" туркумига кирувчи турнир якунланди.

Ҳал қилувчи финал учрашувида ATP рейтингида 124-поғонадан жой олиб турган аргентиналик Себастьян Баес дунёнинг 92-ракеткаси, бразилиялик Тьяго Монтейрони ортиқча қийинчиликсиз мағлуб этди - 6/4, 6/0.

Бир соату 17 дақиқа давом этган учрашувда Себастьян 5 та, Тьяго эса битта эйс зарбасини ижро этди. Бу теннисчиларнинг ўзаро ўтказган илк учрашуви бўлди. Баес уйдаги муваффақиятли иштирокидан 7,200 доллар мукофот пули ҳамда 80 рейтинг очкоси ишлаб олди.