Сен-Пьер Хабибга қарши жанг бекор бўлишида UFC'ни айблади

"Йўқ, бу энди амалга ошмайди. Биз жангни ташкил этишга уриндик. Бу амалга ошмади, аммо бунинг қўрқинчили жойи йўқ. Балки шуниси ҳам яхшидир. Мен Хабибнинг катта мухлисиман. У ёрқин фаолиятга эга ажойиб жангчи. Кўп мухлислар унинг жангларини яхши кўришади. 

Жанг ташкил этилмагани сабаблари? Вақт тўғри келмади. Биз Хабиб билан буни амалга оширмоқчи бўлганимизда эса UFC буни истамади. Энди эса иккимиз ҳам тугатганимизда улар жангни исташяпти. Гап пулда. Улар ўзлари учун манфаатли бўлган ишни қилмоқчи бўлишди, биз ва мухлислар фойдасини кўзлаб эмас. Мана жанг ташкил этилмаганлигининг асосий сабаби", - деди Сен-Пьер.