"Сенда "кечанинг энг зўр чиқиши"га тўлаш учун 50 минг доллар борми?" (+ВИДЕО)

Амалдаги UFC чемпиони Хабиб Нурмагомедов ва унинг мураббийи Хавьер Мендес, Жастин Гэтжи билан жангдан олдинги машғулот чоғида ўзаро ҳазил алмашишди. 

Ҳозирда Хабиб Дубайда жангдан олдинги машғулотларни ўтамоқда.

Хабиб ва Мендес қуйидагича суҳбат қилишди:

Мендес: Бугун спарринглар куни. Уч ёки беш раундлик спарринг қиламизми?

Хабиб: Мен ўзимни энг кучли чиқишимни қиламан, мураббий. Сенда "кечанинг энг зўр чиқиши" учун 50 минг доллар борми? Жуда бўлмаганда менга кофе тайёрлаб берасанми?

Мендес: Мен сенга "куннинг энг зўр жанги" учун 50 минг доллар бераман. 

Ахир биз кечаси эмас, кундузи ишлаяпмиз-ку. Хоҳласанг сенга сабмишн қилиб бераман. Иккита бонус юз минг доллар бўлади.

Хабиб: Йўқ-йўқ, мен "кун чиқиши"ни кўрсатаман. Мен буни бажараман.