14 май 18:13
Янгиликлар

Теннис

Сергей Фомин 1/4 финал масаласини 57 дақиқада ҳал қилди

Мамлакатимизнинг биринчи ракеткаси Сергей Фомин Грузиянинг Кутаиси шаҳрида ўтказилаётган М25 тоифасига кирувчи турнирда муваффақиятли одимламоқда.

Ҳамюртимиз мусобақанинг 1/8 финалида осон ғалабага эришди. Турнирда биринчи рақам остида таснифланган Фомин 57 дақиқа давом этган баҳсда грузиялик Ника Бидзинашвилини 6/4, 6/0 ҳисобида мағлубиятга учратди. Бу теннисчиларнинг ўзаро ўтказган илк учрашуви бўлди.

Таққослаш учун, Сергей айни пайтда ATP рейтингда 290-ўринни эгаллаб турибди. Бидзинашвилининг эса ҳали рейтинги йўқ. Энди Фомин 1/4 финалда италиялик Александр Биндага қарши кортга чиқади. Бинда ATP рейтингида 451-поғонада бормоқда.