Сергей Фомин Анталия турнири вице-чемпиони

Мукофот жамғармаси 15 000 долларни ташкил этувчи ушбу мусобақада ҳамюртимиз Сергей Фомин ҳам ўз омадини синаб кўрди. Мамлакатимизнинг иккинчи ракеткаси финалга қадар мағлубиятсиз етиб бориб, мусобақа вице-чемпионига айланди. Ярим финал ҳам, финал ҳам бир кунда, қандайдир олти соат оралиғида ўтказилди.   

Уч сет давом этган учрашувда Сергей Фомин рейтингда ўзидан 224 поғона юқорида бораётган қозоғистонлик тажрибали Дмитрий Попкога 4/6, 6/3, 2/6 ҳисобларида ютқазиб қўйди. Попко ATP рейтингида 504, Фомин эса 728-поғонадан жой олганди. 

Эслатиб ўтамиз, Сергей Фомин Анталия турнирида мусобақанинг иккинчи ракеткаси, нидерландиялик Макс Хуксни 6/4, 5/7, 6/1, 1/8 финалда аргентиналик Лучо Карневаллени 6/2, 6/1, 1/4 финалда россиялик Денис Клокни 7/5, 6/2, 1/2 финалда эса россиялик Евгений Тюрневни 6/2, 6/3 ҳисобларида мағлубиятга учратган эди.