13 май 20:02
Янгиликлар

Теннис

Сергей Фомин Кутаисидаги юришини бошлади

Мамлакатимизнинг биринчи ракеткаси Сергей Фомин Грузиянинг Кутаиси шаҳрида ўтказилаётган М25 тоифасига кирувчи турнирда иштирок этмоқда.

Ҳамюртимиз мусобақанинг илк даврасида енгил ғалабага эришди. Турнирда биринчи рақам остида таснифланган Фомин 56 дақиқа давом этган баҳсда россиялик Михаил Кулягинни 6/2, 6/1 ҳисобида мағлубиятга учратди.

Бу теннисчиларнинг ўзаро ўтказган илк учрашуви бўлди. Сергей айни пайтда ATP рейтингда 290-ўринни эгаллаб турибди. Кулягиннинг эса ҳали рейтинги йўқ. Энди Фомин 1/8 финалда грузиялик Ника Бидзинашвилига қарши кортга чиқади. Бу мезбон теннисчи ҳам ҳали ATP рейтингига киритилмаган.