17 сен 13:16
Янгиликлар
Футбол
Сервер Жепаров: "Танланган тактика фойда келтирди"
"Жетису" ярим ҳимоячиси Сервер Жепаров "Тобол"га қарши кечган Қозоғистон чемпионати учрашуви ҳақида фикр билдирди.
"Ўйин мухлислар учун қизиқ ўтди деб ўйлайман. Рақиб майдонида бўш зоналар пайдо бўлиши учун ҳимоядан ўйнашга ҳаракат қилдик. Танланган тактика фойда келтирди. Иккита голимиз ҳам айнан шу услуб туфайли урилди.
Биринчи ўйин мен учун бироз қийинроқ бўлди, бироқ аста-секинлик билан формамни тиклаб оламан. Бугун 90 дақиқа ўйнадим. Ёшим 33да бўлишига қарамай ҳали футбол ўйнашга кучим етади. Кўпинча менга пенальтини ишониб топширишади ва бугун ҳам шундай бўлди. Мен стандартлар устида доимо ишлайман".
Маълумот учун, "Жетису" - "Тобол" учрашуви 2:2 ҳисобида якунланганди. Жепаров ушбу баҳсда пенальтидан гол урган эди.
Ҳавола :
Манба : sports.kz
Фикрлар