Шаҳрам Ғиёсов: "17 апрель куни жанг бўлиши лозим эди..."

Жаҳон чемпиони океанортидан мухлисларга мурожаат йўллади. 

"Хабарингиз бор, коронавирус сабабли барча жойда шов-шув ва ваҳима. Аммо, бу сабабли ваҳимага тушиб қолмаслигингизни маслаҳат берамиз. Бизда ҳам карантин. Мактаб ва боғчалар ёпилган. Аммо шунга қарамай, 4-5 спортчи бирга меҳнат қилишда давом этяпмиз. Чунки, Ўзбекистонда ғалабалар билан борамиз деб ваъда берганмиз. Машғулотларни тўхтатмаяпмиз. Жанг 17 апрель куни ўтказилиши лозим эди, аммо бу бекор қилинди. Шунга қарамай, машғулотларни давом эттиряпмиз. 

Сизларга ҳам шуни тавсия этамиз. Ваҳимага тушманглар. Яқинларимиз билан биргаликда ушбу вирусни енгамиз", - деди Шаҳрам Ғиёсов.