08 авг 11:48
Янгиликлар

Бокс/ММА

Шаҳрам ва Исроил машғулотларни якунлади, улар энди жанг манзилига йўл олишади (ФОТО)

Яхши биласиз, 15 август куни (Ўзбекистонда 16 август тонги) АҚШда икки нафар боксчимиз рингга кўтарилади.

Талза шаҳрида ташкил этиладиган жанг оқшомида Исроил Мадримов америкалик Эрик Уолкерга қарши, Шаҳрам Ғиёсов эса мексикалик Франсиско Рохога қарши рингга кўтарилади.

Боксчиларимиз энди ўзлари яшаётган Калифорния штатидан жанг ўтказиладиган Оклахомага йўл олишади.

Бу ҳақида Шаҳрам Ғиёсов маълум қилди.

"Худога шукр, тайёргарликларни тугатдик. Бугун охирги 10 раундлик спарринг эди. Эртага насиб бўлса йўлга чиқамиз. Жангача роппа-роса бир хафта вақт қолди. Дуо қилиб турсангзлар, ИншаАллах албатта ғалаба қозониб, байроғимизни баланд кўтариб келамиз. Барчага ўз миннатдорчилигимни билдираман, ҳамма смсларингизни ўқияпман. Жавоб беришга улгурмасам узр, энди буёғи жангга рухий тайёргарлик", - деб ёзиб қолдирган Шаҳрам Инстаграмдаги саҳифасида.