UZ

Сўнгги янгиликлар

18:41Белбоғли кураш. Кучлилар Фарғонада аниқланди 0 18:10Майкл Моралес: "Махачевдаги камарни Эквадорга олиб кетаман" 0 17:39"Реал Мадрид" етакчиси билан янги шартнома имзолади 0 17:08"Хабиб фаолиятини якунлаётганида унга қўлимдан келган барча нарсани таклиф қилганман" - Дана Уайт 0 16:37Дана Уайт ташкил этмоқчи бўлган жангларни санаб берди 0 16:04Спорт курашлари бўйича Ўзбекистон чемпионати якунланди 0 15:33Афсонавий Роналдиньо профессионал футболга қайтиши сабабини ошкор қилди 0 15:02ММА жамоатчилигининг Харрисон - Нуньес жангига муносабати: "Тарихдаги энг ёмон режа" 0 14:31UFC 334 турнирининг бонус соҳиблари эълон қилинди 0 14:00Мераб Двалишвили "ишкалдаги дўсти" Саба Лазишвилига UFC томонидан шартнома таклиф этилганини айтди 0 13:29Банклар "Манчестер Сити"ни молиялаштиришдан бош тортмоқда 0 12:58Арман Царукян PFL ва Bellator жангчисига қарши баҳс олиб борди 0 12:27Zagreb Grand Prix 2026. Бугун Давлат Бобоновга мухлислик қиламиз! 0 11:56Чемпионлар камарини муваффақиятли ҳимоя қилган UFC 334 турнирининг барча натижалари 0 11:25Жезуш Португалиянинг Даниядан йирик ҳисобда мағлуб бўлиши сабабларини айтди 0

29 мар 10:54
Янгиликлар

Шахмат

Шамсиддин Воҳидов Марказий Осиё дербисида муҳим ғалабага эришди ва бугун у чемпионлик учун ўйнайди!

Пойтахтимиз мезбонлигида ўтаётган ўзбекистонлик биринчи гроссмейстер Георгий Агзамов хотирасига бағишланган халқаро турнирда 9-тур учрашувлари ортда қолди.

Бу йил ўз тарихида 18-маротаба ўтказилаётган, мукофот жамғармаси 75 000 АҚШ долларини ташкил қилувчи турнир швейцарча тизимда 10 турдан иборат бўлади. Иштирокчилар икки гуруҳда совринли ўринлар учун баҳс олиб боришяпти. Асосий ҳисобланган А гуруҳида 1800 ва ундан юқори рейтингли шахматчилар жам бўлган. В гуруҳида эса рейтинги 1999 ва ундан паст бўлган иштирокчилар дона суряпти ва унда ҳамюртларимиз пешқадамлик қилишмоқда. 

Кучлилар жам бўлган А гуруҳида ҳиндистонлик халқаро гроссмейстер Ниҳал Сарин (2687) биринчи рақам остида сараланган бўлиб, у 9-турда оқ доналарда асосий таъқибчиларидан бири сингапурлик Тин Цзинъяо (2597)ни мағлубиятга учратди. Иккинчи рақамли шахматчи сифатида таснифланган ёш гроссмейстеримиз Шамсиддин Воҳидов (2670) кетма-кет тўртинчи ғалабасини қўлга киритди ва чемпионлик учун яхшигина имкониятни эга бўлиб олди. У бу сафар қора доналарда ўйнашига қарамай, ўзи билан бир хил очко тўплаган туркманистонлик Сапармират Атабаевни таслим эта олди.  

Ёш шахматимиз Ҳумоюн Бегмуратов (2430) ҳам мусобақада муваффақиятли одимлаяпти. У оқ доналарда турнирнинг тўртинчи тартиб рақамли шахматчиси, ҳиндистонлик гроссмейстер Леон Мендонка (2643)ни мағлубиятга учратди. Чемпионлик учун курашаётган венгриялик гроссмейстер Санан Сюгиров (2631) бу турда ҳиндистонлик гроссмейстер Пураник Абҳиманю (2636) билан дуранг ўйнади.  

Ҳамюртимиз Алмас Раҳматуллаев (2413) ҳиндистонлик гроссмейстер Адитя Миттал билан муросага келди. Муҳаммадзоҳид Суяров (2474) тожикистонлик Мустафохўжа Ҳусенходжаевни таслим этди. Гроссмейстеримиз Абдумалик Абдусалимов (2525) ўзбек дербисида Баҳром Бахриллаев (2386)ни юта олмади. Муҳиддин Мадаминов (2550) ҳинд шахматчиси Этан Вазни енгди. Гроссмейстерларимиз Марат Жумаев (2352) ва Ортиқ Ниғматов (2501) бу турда ўз учрашувларини дуранг билан якунлашди. 

Сўнгги тур олдидан Ниҳал Сарин 7,5 очко билан якка пешқадам бўлиб олди. Уч шахматчи - Санан Сюгиров, Пураник Абҳиманю ва Шамсиддин Воҳидов 7 тадан очко жамғариб, турнир жадвалида Топ-4`ликдан жой олишган. Сюгиров қўшимча кўрсаткичларга кўра иккинчи ўринни эгаллаб турибди. Тўққиз иштирокчи 6,5 очкодан тўплаган. Улар орасида ҳамюртларимиздан Ҳумоюн Бегмуратов ва Алмас Раҳматуллаев ҳам бор. 

Бугун сўнгги 10-тур учрашувлари ўтказилади. Биринчи тахтада Шамсиддин Воҳидов оқ доналарда пешқадам Ниҳал Саринга қарши чемпионлик учун баҳс олиб боради. Шамсиддин ғалаба қозонган тақдирда мусобақа чемпионига айланиши мумкин. Ҳумоюн Бегмуратов қора доналарда ҳиндистонлик гроссмейстер Адҳибан билан ўйнайди. Ғалаба қозона олса, у ҳам совринли ўринлардан бирини эгаллаши мумкин. Бугунги сўнгги 10-тур учрашувлари ҳам соат 15:00да бошланади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг