13 окт 18:54
Янгиликлар

Теннис

Shanghai Masters. Финалда Федерер - Жокович тўқнашуви бўлмайди

Дунёнинг иккинчи ракеткаси Рожер Федерер Хитойнинг Шанхай шаҳрида давом этаётган “Мастерс” сериясига кирувчи турнирнинг ярим финалида кортга чиқди.

Швейцариялик теннис юлдузи Rolex Shanghai Masters мусобақасининг финал остонасида ўз юришини тўхтатди. Федерер 1 соату 14 дақиқа давом этган баҳсда ATP рейтингида 19-ўринни эгаллаб турган хорватиялик Борна Чоричга 4/6, 4/6 ҳисобида ютқазиб қўйди.

Шу тариқа, финалда Рожер Федерер ва Новак Жокович ўртасидаги учрашув бўлмайди. Сербиялик теннис юлдузи бугун ярим финалда 1 соату 1 дақиқа давом этган баҳсда германиялик Александр Зверевга ҳеч қандай имконият қолдирмади - 6:2, 6:1.