19 мар 12:16
Янгиликлар
Бокс/ММА
Шара "Қароқчи" Буллетга рақиб берилди
Россиялик ўрта вазн тоифасидаги аралаш яккакураш устаси ҳамюртимиз Нурсултон Рўзибоев билан бир оқшомда жанг ўтказади.
Шарабутдин Магомедов 27 июнь куни Бокудаги UFC турнирида октагонга қайтади. Унинг рақиби бразилиялик Мишел Перейра бўлади. Бу ҳақда Бразилиянинг AG Fight нашри хабар тарқатди.
Иккала спортчи ҳам аввалги жангларида фаолиятларини муваффақиятли йўналишга қайтаришган, яъни мағлубиятдан кейин ғалаба қайд этишган эди. Магомедов Майкл Пейжга ютқазганидан сўнг канадалик Марк-Андре Барриони ҳакамларнинг якдил қарори эвазига таслим этганди. Перейра эса учта кетма-кет мағлубиятини Закари Риз устидан ҳакамларнинг айри қарори билан қозонган ғалабаси ҳисобига ёпиб кетганди.
Айни пайтда ҳар икки аралаш яккакураш устаси ҳам UFC’нинг ўрта вазн тоифасидаги Топ-15 рейтингига кирмаган.
Ҳавола :
Манба : fighttime
Фикрлар