29 авг 13:49
Янгиликлар

Дзюдо, Токио-2020

Шариф Халилов – икки карра Паралимпия ўйинлари совриндори!

Токио-2020 Паралимпия ўйинларининг бешинчи кунидаги дастлабки медаль пара дзюдочимиз томонидан қўлга киритилди.

Эркаклар ўртасида -100 кг вазн тоифасида ўтказилган баҳсларда юртимиз шарафини ҳимоя қилган тажрибали пара дзюдочимиз Шариф Халилов Токио-2020 ёзги Паралимпия ўйинларининг бронза медалига эга чиқди. Шариф бронза медали учун кечган беллашувда бразилиялик Тенерио да Силвани қўшимча дақиқалардаги иппон баҳоси эвазига мағлуб эта олди.

Маълумот учун, Шариф Халилов 2012 йил Лондонда бўлиб ўтган Паралимпия ўйинларида кумуш медалга сазовор бўлган эди.

Ушбу ғалабадан сўнг делегациямиз ҳисобидаги медаллар сони 12 тага етди: 4 та олтин, 4 та кумуш ва 4 та бронза.