Шавкат Раҳмонов навбатдаги жанги ҳақидаги саволга жавоб берди

- Кайфиятингиз қандай? Ниҳоят ватанингизга етиб келдингиз.

- Ҳа, етиб келдик. Бу бироз чўзилиб кетди. Айрим ишларни битириб келдик. Ғалабадан хурсандман! Кайфият яхши, аъло деса ҳам бўлади.

- Ғалабадан кейинги интервьюни кўрдик. Ўшанда Рамазон ойида рўза тутишингизни ва йил охирида БААдаги турнирда иштирок этиш хоҳишингиз борлигини айтдингиз. Орадан бир қанча вақт ўтди. Ҳозирда жангингиз борасида янгиликлар борми?

- Тўғриси, ҳозирча ҳеч нима аниқ эмас. Барчаси менга боғлиқ, тайёр бўлганимда уларга жанг беришларини айтаман. Бироқ ҳозирча дам олиб, ўзимга келишим керак.