Шахмат. Олий лиганинг 1/4 финалида кутилмаган натижалар

Икки кунлик 1/4 финал баҳслари кутилмаган натижа билан якунига етди. Жумладан, эркаклар ўртасидаги мусобақада таниқли гроссмейстеримиз Шамсиддин Воҳидов истеъдодли шахматчимиз Муҳаммадзоҳид Суяровга имкониятни бой бериб қўйди. Гроссмейстерларнинг ўзаро учрашувларида эса Ортиқ Ниғматов Жаҳонгир Воҳидовдан, Муҳиддин Мадаминов Абдумалик Абдисалимовдан устун келиб, 1/2 финалга йўл олди. 

Аёллар ўртасидаги мамлакат чемпионати 1/4 финалида тажрибали Нодира Нодиржонова Нилуфар Якуббоевани таслим этгани кичик шов-шувга сабабчи бўлди. Қолган жуфтликларда кутилганидек, Афруза Ҳамдамова, Умида Омонова ва Маржона Маликова рақибаларидан устун келиб, ярим финал иштирокчисига айланишди.   

Олий лига-2025 чорак финал натижалари:

Эркаклар ўртасида:

Шамсиддин Воҳидов 2–4 Муҳаммадзоҳид Суяров

Муҳиддин Мадаминов 2–0 Абдималик Абдисалимов

Нодирбек Якуббаев 3–1 Ҳумоюн Бегмуратов

Жаҳонгир Воҳидов 1,5–2,5 Ортиқ Ниғматов

Аёллар ўртасида:

Афруза Ҳамдамова 1,5–0,5 Мадинабону Халилова

Нилуфар Якуббаева 0,5–1,5 Нодира Нодиржонова

Умида Омонова 1,5–0,5 Нилуфархон Имомхўжаева

Озода Шахзодова 0,5–1,5 Маржона Маликова