13 апр 09:08
Янгиликлар

Теннис

Шелби Рожерс рақибасига биттагина гейм берди

АҚШнинг Чарльстон шаҳрида теннис бўйича нуфузли турнир бўлиб ўтмоқда.

Дунёнинг 46-ракеткаси бўлиб турган америкалик Шелби Рожерс MUSC Health Women's Open турниридаги иштирокини ғалаба билан бошлади. У илк даврада WTA рейтингида 110-поғонадан жой олиб турган ватандоши Кэти Макнейлига имконият қолдирмади - 6/0, 6/1.

Бир соату 2 дақиқа давом этган баҳсда Шелби 6 та эйс зарбани амалга оширди. Бу теннисчиларнинг ўзаро ўтказган илк учрашуви эди. Энди Рожерс Чарльстон турнирининг иккинчи босқичида Клэр Лю - Сторм Сандерс жуфтлиги ғолибига қарши кортга чиқади.