30 мар 07:43
Янгиликлар

Теннис

Полина Кудерметова Чарльстон WTA 500 турнири асосий тўрига чиқди

Теглар : Чарльстон WTA 500 Полина Кудерметова

АҚШнинг Жанубий Каролина штати, Чарльстон шаҳрида теннис бўйича аёллар ўртасида WTA 500 туркумидаги турнир давом этмоқда.

Мамлакатимизнинг учинчи ракеткаси Полина Кудерметова мусобақанинг асосий тўр баҳсларига йўл олди. Вакиламиз квалификациянинг 1/2 финалида америкалик Каролин Ансарини 6/2, 2/6, 7/5 ҳисобида мағлуб этганди.

Кеча тунда 22 ёшли теннисчимиз саралашнинг финалида Нидерландия вакиласи Эва Веддерга қарши баҳс олиб борди. Саралаш турнирида бешинчи рақам остида таснифланган Кудерметова рақибасини икки сет натижасига кўра ортиқча қийинчиликсиз мағлубиятга учратди - 6/3, 6/4.

Маълумот учун, Кудерметова ҳозирда WTA рейтингида 153, Эва Веддер 254-ўринни эгаллаб турибди. Полина 1 та эйс зарбасини амалга ошириб, 5 та қўшхатога йўл қўйди. Бу теннисчиларнинг ўзаро ўтказган илк учрашуви бўлди.