25 апр 15:08
Янгиликлар

Қиличбозлик

Шерзод Мамутов: Ғалаба қозонишимга 100 фоиз ишонмаган эдим

Хабар берганимиздек, бугун пойтахтимизда старт олган қиличбозлик бўйича Токио-2020 ёзги Олимпия ўйинларига йўлланма берувчи Осиё-Океания саралаш турнирида саблячимиз Шерзод Мамутов лицензияни қўлга киритган эди.

Спортчимиз тақдирлаш маросимидан сўнг ўз фикрларини билдирди:

"Бу мусобақага бир йилдан буён кучли тайёрланиб келаётган эдик. Хорижда ҳам тажрибамизни оширдик. Бугунги рақибларим билан олдинги мусобақаларда ҳам тўқнаш келганман. Барчаси кучли спортчи.

Биласизми, бугун ғалаба қозонишимга 100 фоиз ишонмаган эдим. Жаҳон чемпионатидаги муваффақиятсизликдан сўнг психологик томондан барчасини енгиб ўтдим ва асосий мақсадимиз бўлган Токио Олимпиадасига лицензияни қўлга киритдим. Худо хоҳласа, Токиодан Олимпиада медали билан қайтишга ҳаракат қиламан", - деди Мамутов.