17 июл 17:06
Янгиликлар

Таэквондо

Шерзод Тошматов Осиё таэквондо кенгаши президенти билан учрашди

Кеча, 16 июль куни Иордания пойтахти Амман шаҳрида Осиё таэквондо кенгашининг Бош ассамблеяси ўтказилди.

Ўзбекистон таэквондо WTF ассоциациясидан хабар беришларича, унда Ўзбекистон таэквондо WTF ассоциацияси раиси Шерзод Тошматов ҳам иштирок этди. Мазкур ассамблея давомида Ш.Тошматов Осиё таэквондо кенгаши президенти Кю Сеок Ли билан учрашди.

Учрашув давомида томонлар таэквондо спортининг Осиё ва Ўзбекистондаги ривожланиш истиқболларини муҳокама қилдилар.

Осиё таэквондо кенгаши раҳбари суҳбат давомида спортчиларимизнинг Италияда ўтказилган Бутунжаҳон талабалар универсиадаси, шунингдек Кореядаги "Chuncheon Korea Open" ва "Kimunyong Cup" турнирларида қайд этган натижаларини эътироф этди.