17 июн 13:58
Янгиликлар

Футбол

Шмейхель қуруқ серия бўйича отасининг натижасини яхшилади

Хабарингиз бор, кеча Дания терма жамоаси ЖЧ-2018 гуруҳ босқич илк учрашувида Перуни мағлуб (1:0) этганди.

Саранскдаги “Мордовия Арена”да бўлиб ўтган ўйинда данияликлар посбони Каспер Шмейхель ўз дарвозаси дахлсизлигини сақлаб қолди. Хатто дарвозаси томон белгиланган пенальти ҳам голга айланмади. Каспер ўйин давомида аниқ йўлланган 6та зарбанинг барчасини бартараф эта олди.

Эътиборлиси, Шмейхель терма жамоаси иштирокидаги кетма-кет 5та ўйинда ўз дарвозасидан гол ўтказмади. Бу билан у отаси афсонавий дарвозабон Питер Шмейхелнинг рекордини янгилади. Питерда қуруқ серия 4та ўйиндан иборат эди.

Шунингдек, кичик Шмейхель 534 дақиқа давомида дарвозаси дахлсизлигини сақлаш орқали миллий рекордни ҳам янгилади. Аввалги рекорд ҳам айнан унинг отасига тегишли бўлиб, 470 дақиқани ташкил қилганди.