Шофайзиев Покистондаги турнирда ярим финалга чиқди

Соврин жамғармаси 15 000 АҚШ долларини ташкил қилувчи мусобақада бизнинг теннисчилар ҳам ўз имкониятларини синовдан ўтказишяпти. Яккалик баҳсидаги иштирокларини якунлаган ҳамюртларимиз бор эътиборларини жуфтлик мусобақасига қаратишган. 

Сербиялик Дарко Яндрич билан тўртинчи рақамли жуфтлик ҳосил қилган Шониғматжон Шофайзиев чорак финалда покистонлик Обид Муҳаммад ҳамда канадалик Малик Муҳаммад ҳамкорлигини 6:3, 4:6, тай-брекда 10:3 ҳисобида таслим этди. 

Энди Шофайзиев ва Яндрич финал чиптаси учун турнирнинг биринчи рақамли жуфтлиги - россиялик Антон Чехов ҳамда германиялик Кай Вехнелтга қарши кортга чиқишади. 

Россиялик Дмитрий Мягков билан жуфтлик ҳосил қилган Саидаъло Саидкаримов эса чорак финалда мусобақанинг иккинчи рақамли жуфтлиги, россиялик теннисчилар - Александр Павлюченков ва Владимир Поляковга ютқазиб қўйди - 1:6, 5:7.