15 дек 08:56
Янгиликлар

Бокс/ММА

Шоҳасан Мирзаматов тўрт кундан сўнг "Ҳумо Арена"да октагонга чиқади + ПОСТЕР

Ярим ўрта вазн тоифасида фаолият олиб бораётган таниқли аралаш яккакураш устамиз Шоҳасан Мирзаматовнинг навбатдаги жанги расман эълон қилинди.

19 декабрь куни пойтахтимиздаги кўптармоқли "Ҳумо Арена" муз саройида Octagon 83 турнири бўлиб ўтади. Ташкилотчилар томонидан оқшомнинг асосий кардидан ўрин олган яна бир қизиқарли жанг тасдиқланди. Унда 35 ёшли Шоҳасан Мирзаматов франциялик Леви Карриелга қарши октагонга чиқади.

Маълумот учун, Леви ММАдаги фаолияти давомида 7 ғалаба ва 4 мағлубият қайд этган. Octagon League'да дебют жангини ўтказади. Мирзаматов ҳисобида эса 15 ғалаба ва 4 мағлубият бор. Аввалроқ, унинг қозоғистонлик Богдан Пшельбескийга қарши жанг ўтказиши мумкинлиги айтилганди.

Шоҳасан Мирзаматов бундан аввалги жангини 21 сентябрь куни айнан "Ҳумо Арена"да ташкил этилган Octagon 79 турнирида тожикистонлик Худоид Раҳмоновга қарши ўтказиб, биринчи раунддаёқ рақибини нокаутга учратганди.